काठमाडाैं । नेकपा (एमाले)काे विवाद मिल्ने दिशामा अगाडि बढेकाे भनिएपनि अध्यक्ष केपी शर्मा ओली पक्ष वरिष्ठ नेता माधवकुमार नेपालमाथि खनिएका छन् । अध्यक्ष ओलीले आज बालकाेटबाट नेता नेपाललाई राष्ट्रिय गद्दार घाेषणा गर्दै उनलाई पार्टीमा कुनै स्थान नभएकाे बताएका थिए ।

ओली पक्षका नेता गाेकुल बाँस्काेटाले पनि आज काभ्रेपलाञ्चाेकबाट ओलीकाे साेही बाेली दाेहाेर्याएका छन् । पनाैती नगरपालिकालाई बालमैत्री नगर घाेषणा गर्न आयाेजित कार्यक्रममा उनले नेता नेपाललाई पार्टीमा कुनै पनि ठाउँ नरहेकाे बताए । ओली सरकारले सुख–समृद्धिको राष्ट्रिय मान्यता स्थापित गरेको जिकिर गर्दै उनले प्रधानमन्त्री ओली जनादेशले नभई परमादेशले बहिर्गमन भएको बताए ।

“नेपाली कांग्रेसलाई शुभकामना छ, अबको थप प्रक्रियामा बहुमत पुगोस्, तत्कालीन खिलराज रेग्मीको झैँ अवस्था नआओस्, काम शुरु भएका राष्ट्रिय गौरवका आयोजना सञ्चालन हुन, योजनाका बजेट नकाटियोस्”, उनले भने ।