काठमाडौं । सरकारले प्रतिनिधि सभाको अधिवेशन बोलाउन राष्ट्रपतिसमक्ष सिफारिस गरेको छ । आज बसेको मन्त्रिपरिषद् बैठकले साउन ३ गते प्रतिनिधि सभाको अधिवेशन बोलाउ राष्ट्रपतिसमक्ष सिफारिस गर्ने निर्णय गरेको हो ।

सरकारका प्रवक्ता एवं कानूनमन्त्री ज्ञानेन्द्रबहादुर कार्कीले प्रतिनिधिसभा र राष्ट्रियसभाको अधिवेशन साउन ३ गते अपरान्ह ४ बजे बोलाउन सिफारिस गरिएको बताएका छन् ।

सोमबार सर्वोच्च अदालतले प्रतिनिधि सभाको अधिवेशन साउन ३ गते बोलाउन आदेश दिएको थियो ।