काठमाडौं । इतिहासमा कतिपय क्रुर अपराधीहरूको अपराधिक घटना ताजै छन् । जो हत्या गर्न मन पराउथे । सामान्यता हत्याका घटना पुष्टि भए हत्याराले आजीवन कारावास वा मृत्यु दण्डसम्मको सजाय भोग्नु पर्ने हुन्छ ।

यति पिडादायी सजाय हुँदासमेत किन मान्छे हत्या जस्तो जघन्य अपराध गर्न त्यत्तिकै उत्साहित छन् ? भन्ने प्रश्न आज पनि उत्तिकै उत्कर्षमा नै छ । विभिन्न मनोविश्लेसकका अनुसार आफ्नो रिसलाई काबुमा राख्न नसक्दा वा बदलाको भावना उत्पन्न हुँदा हत्याका घटनाहरू हुन पुग्दछ । अझ भनौँ धारावाहिक हत्याका घटना हुँदै आएको छ ।

इतिहासमा यस्ता धेरै धारावाहिक (सिरियल) हत्याराहरू छन् । जसले राजा महाराजादेखि रैतिसम्मलाई हत्या गरेका छन् । सिरियल किलर कस्ले गर्छ ? भन्ने प्रश्न पनि उब्जन सक्छ । मनोविदहरूका अनुसार सिरियर किलरको कुनै अवतार हुँदैन उनीहरू जो कोही हुन सक्छ ।

यसको कुनै लैंगिक हुँदैन, यसको कुनै रुप हुँदैन । सिरियल किलर डाक्टरका रुपमा हुन सक्छ, आमाको रुपमा हुन सक्छ, र परिवारका जो कुनै सदस्य हुन सक्ने मनोविज्ञहरू बताउँछन् ।

‘सिरियल किलर’को चर्चा गर्दा धेरै हत्याराहरूको चर्चा भएको पाइन्छ । तर, इतिहासमा पहिलो ‘सिरियल किलर’ को हो ? यो विषयमा जान्नु आवश्यक छ । इतिहासमा फेला परेको पहिलो सिरियल किलरको नाम रोमकी एउटी सुन्दरी फ्रान्सेली महिला लोकुस्टा थिइन । जो मानिसहरूको हत्या गर्न रुचाउथिन् ।

तत्कालीन रोमनका शासक नेरोकी आमा (अग्रिफिना) शाही परिवारका धेरै मानिसहरूको हत्या गर्नका लागि ‘लोकोस्टा’ नाम गरेकी एक महिलालाई भेट्न गइन । अग्रिफिनाले लोकोस्टालाई हत्या गर्न दिइएको सुचीमा उनकी पति ‘क्लाउडियस’ पनि थिए । उनीहरूको वैवाहिक जीवन दिन प्रतिदिन बिग्रदै गएको थियो ।

इतिहासमा मानिन्छ कि अग्रिफिनाले आफ्नो छोरालाई शक्तिमा ल्याउनको लागि क्लाउडियसलाई खराब व्यक्तिको पहिचान दिँदै हत्या गर्न चाहन्थिन् । जसका लागि अग्रिफिनाले लोकोस्टालाई हत्याको सुची लिएर सम्पर्कमा पुगेकी थिइन् ।

वैज्ञानिकपछि हत्यारा

पहिलो सिरियल किलरका रुपमा परिचित लोकोस्टालाई मध्य युगीन कालका प्रथम वैज्ञानिकका रुपमा समेत चिनिन्छ । जो व्यावहारिक विज्ञानको धेरै शौकिन थिइन् । उनले आफ्नो वरपरका सबै रूखहरू र बोट बिरुवाको गुण र आचरण बुझेकी थिइन् । प्रयोग गरिरहेकी थिइन ।

फ्रान्सबाट रोम पुगेपछि उनले पत्ता लगाए कि मानिसहरू अतिमहत्वाकांक्षी हुन्छन । सोही महत्वकांक्षी स्वभावलाई मध्यनजर गर्दै लोकुस्टाले आफ्ना शत्रुहरूलाई मार्न हिचकिचाइनन् । उनी आफूले गरेको हत्यालाई प्राकृतिक हत्याको पहिचान दिन माहिर थिइन् ।

मानिसहरूको महत्वकांक्षीलाई मध्यनजर गर्दै उक्त आवश्यतालाई परिपूर्ति गर्ने दबाइको आविष्ककार गरेका उनले विषालु औषधि बनाउनसमेत उत्तिकै सिपालु थिइन् । मानिन्छ कि उनले बनाएको यो विषालु औषधि सेवन गरेको सेकेन्डमै मानिसको मृत्यु हुन्थ्यो ।

राजाको हत्या

सन् ५४ अप्रिल १३ को दिन लोकोस्टा र अग्रिफिनाले तत्कालीन रोम राज्यका राजा क्लाउडियसलाई आफ्नो मन पर्ने च्याउको तरकारीमा विषालु औषधि प्रयोग गरेर हत्या गरेकी थिइन् । उनको हत्यालगत्तै लोकोस्टा हत्याको अभियोगमा पक्राउ परिन् ।

क्लाउडिसका ४ पत्नीहरू थिए । राजा क्लाउडिसको हत्या भएको केही दिनमै उनको चौथो पत्नीको छोरा अर्थात अग्रिफिनाको छोरा नेरोले राजगद्दी सम्हाले । उनले राजगद्दी सम्हालेता पनि आफूभन्दा माथि दाइ भएकाले उनीमाथि राजगद्दी खोसिन्छ कि भन्ने डर थियो ।

आफ्नो बीचमा आउने सबैलाई पन्छाउनका लागि राजा भएको केही दिनमै नेरोले आफूले अह्राएको सबै काम गर्ने सर्तमा पक्राउ परेकी लोकुस्टालाई कारावासबाट बाहिर निकाले । उनको सर्तअनुसार काम गर्न थालेपछि लोकोस्टाको धारावाहिक हत्याको सुरुवात भएको पाइन्छ ।

हत्या गर्ने पेशा

राजा नेरोको सर्तअनुसार कारागारबाट निस्किएकी लोकुस्टाले हत्या गर्ने यात्रा सुरु गरिन् । हत्या गरेबापत राजा नेरोले उनलाई रकम दिने गर्थे । राजाले उनलाई हत्याबापत रकम दिन थालेपछि उनले हत्यालाई नै पेशा बनाउने निधो गरिन् ।

उनले हत्या गर्ने कामलाई राजा नेरोको लागि मात्र नभई विभिन्न व्यापारी, विभिन्न राजघराना, सैनिकहरूसमेत समेटिन् । उनले हत्या गरेबापत कसैसँग रकम माग्थे त कसैसँग जमिन माग्ने गर्थिन् । मानिन्छ कि लोकोस्टा विष खुवाउने तालिमसमेत दिन्थिन् ।

उनले रोममा नै एक विद्यालय खोलेर विष खुवाउने ट्रेनिङ दिन थालिन । तबबाट उनलाई (एजेण्ट अफ डेथ बाई पोइजन)को उपमाले चिनिन थाल्यो ।

राजा नेरोको आडमा हत्याका श्रृङखलाहरु दिन प्रतिदिन बढ्दै गएको र उनीहरूको त्यो धारावाहिक हत्याको क्रमले जनता आजित बनिसकेका थिए । सन् ६४ मा आएर रोम राज्यको सिनेटले राजा नेरो र लोकुस्टाविरुद्ध कारबाही गर्ने विचार गर्यो । तर कसैले पक्राउ गर्ने वा मार्नु पूर्व नै आफ्नो इमान जोगाउनका लागि राजा नेरोले आफ्नो घाँटी आफैले रेटेर आत्महत्या गरेको इतिहासमा पाइन्छ ।

राजाले आत्महत्या गरेता पनि उनको लोकोस्टालाई रोम राज्यको सिनेटले एउटा क्रुर सजायको फैसला गर्यो । उनलाई नग्न बनाएर सडकको बिचमा लगेर जंगली जनावर ‘जिराफ’लाई बलात्कार गर्न लगाइएको थियो ।

उक्त जिराफलाई बलात्कारको प्रशिक्षण दिइएको थियो । जिराफको बलात्कारका कारण मारिएकी लोटोस्काको शवलाई जंगली जिवहरूको बिचमा फालिएको मानिन्छ । यद्यपि, हत्याको विषयमा कुनै प्रमाण त भेटिएको छैन । तर, माइकल न्युटनको (द इनसाइक्लोपिडिया अफ सिरियल किलर) नामक पुस्तकमा उनको चरित्र र उनले पाएको जघन्य अपराधको विषयमा चर्चा गरिएको छ ।

यही कुरालाई प्रस्ट्याउँदै एक ग्रीक इतिहासकार (कस्युन डियो)ले लेखेका थिएकी लोकोस्टालाई बस्त्रहिन बनाएर पूरै शहर घुमाइएको थियो । र, हत्या गरिएको थियो ।

सन् १९०९मा बनेको ‘ह्युम्यानिटि थ्रु द एजेज’नामकचलचित्रमालोकोस्टाले गरेको हजारौँ हत्यापछि पाएको क्रूर सजायलाई देखाईएको छ । विष सेवन गराएर हजारौँको हत्यागर्ने मध्ययुगिनमहिलाको चरित्रमा यस्ता धेरै चलचित्र र टिभि सो हरु बनेका छन्, जसमा पुरानो दिनमाभएको क्रुरतालाई खुलस्त प्रस्तुतगरिएको छ । एजेन्सीहरुको सहयोग