काठमाडौं । जनता समाजवादी पार्टी (जसपा)को उपेन्द्र यादव र बाबुराम भट्टराई पक्षले दलको विधान सर्वसम्मतले पारित गरेको छ । सिंहदरवारस्थित संसदीय दलको कार्यालयमा आज बसेको बैठकले दलको विधान पारित गरेको हो ।

वैठकमा दुई दर्जन वढी सांसदहरुको उपस्थिती रहेको थियो ।

जसपाकै अर्काे घटकले नेता राजेन्द्र महतोलाई यस अगाडी दलको नेता चयन गरेको थियो । यो पक्षले भने दल नेता चयन गरेको छैन ।

जसपाका ३४ सांसद छन् । जसमध्ये दुई जना निलम्बित छन् ।

ओली सरकारमा रहदा सम्म महन्थ ठाकुर र राजेन्द्रम हतोसँग संसदीय दलमा वहुमत पुगेको थियो । तर ओलीको सत्ता वर्हिगमनसगै त्यो समिकरणमा हेरफेर भएको छ । ३२ सांसदमध्ये २० जना सांसद उपेन्द्र बाबुराम समुहमा खुलेका थिए । त्यो संख्यामा अझ वढोत्तरी भईरहेको उपेन्द्र वावुराम पक्षले जनाएको छ ।

दलको अर्को बैठकले संसदीय दलको नेता चयन गर्नुका साथै सरकारमा सहभागी हुने मन्त्रीहरुको नाम टुङ्गो लगाउने छ ।