काठमाडौँ । भाडा समायोजनको माग गर्दै ट्याक्सी व्यवसायीले काठमाडौंमा र्‍याली निकालेका छन् । ट्याक्सीसँगै अन्य सवारी व्यवसायीहरूले पनि बिहीबार बिहान आ–आफ्नो सार्वजनिक यातायातका साधनसहित र्‍याली निकालेको छ ।

काठमाडौंको बालाजु, जोरपाटी, सानेपलगायतका स्थानमा निकालिएको र्‍यालीले रिङरोड परिक्रमा गर्ने छ । ट्याक्सी व्यवसायीहरूले १० वर्षदेखि भाडा समायोजन गरेको, कर लगायत विभिन्न विषयमा सरकारले सेवा नदिएको, पेट्रोलियम पदार्थको मूल्य वृद्धि जस्ता समस्यामा परेको भन्दै विरोध जनाएका हुन् ।