काठमाडौं । नेपाली कांग्रेसको पदाधिकारी बैठक सकिएको छ । पार्टी सभापति तथा प्रधानमन्त्री शेर बहादुर देउवाको निवास बुढानिलकण्ठमा बसेको बैठक सकिएको हो ।

आजको बैठकमा क्रियाशिल सदस्यता छानविन समितिले बुझाएको प्रतिवेदनमाथि छलफल सुरु भएको छ । करिब ४ घण्टा लामो समयसम्म चलेको बैठकमा नेताहरुले प्रतिवेदनमाथि आफ्नो धारणा राखेको पार्टी प्रवक्ता विश्वप्रकाश शर्माले बताए ।

उनका अनुसार छानविन समितिमा देखिएका फरक मतलाई सम्बोधन गरी प्रतिवेदनलाई अन्तिम रुप दिइने छ । क्रियाशिल सदस्यतामा रहेका अधुरा काम टुङ्गाउन छानविन समितिलाई थप २४ घण्टासम्मको समय दिएको छ ।

त्यसपछि पनि टुङ्गो नलागेका काम केन्द्रिय कमिटीको बैठकबाट लगाइने भएको छ । बैठक पुनः बिहिबार २ बजे बस्ने छ ।