काठमाडौँ । सांसद पद गुमाएका नेकपा एमालेका पूर्व माओवादी नेताहरूको माग दाबीसहित दायर गरेको रिट निवेदन सर्वोच्च अदालतका न्यायाधीश आनन्दमोहन भट्टराईको इजलासबाट सुनुवाई हुने भएको छ ।

लेखराज भट्ट, टोपबहादुर रायमाझी, प्रभु साह र गौरीशंकर चौधरी पूर्व माओवादी नेताहरूले दायर गरेको रिट निवेदन आज न्यायाधीश भट्टराईको एकल इजलासबाट सुनुवाई हुने भएको हो ।

उक्त रिट निवेदन बिहीबार न्यायाधीश दीपककुमार कार्कीको एकल इजलासमा पेसीमा ‘हेर्दाहेर्दै’मा सकिएको थियो । यी चार नेतालाई नेकपा एमालेमा प्रवेश गरेसँगै नेकपा माओवादीले पार्टी सदस्यताबाट नै निष्कासन गरिदिएको थियो ।

उनीहरूले आफूहरू नेकपा एमालेमा प्रवेश नगरेको भन्दै सर्वोच्च अदालतमा रिट दायर गरेका थिए ।