काठमाडौँ । नेकपा एमालेका वरिष्ठ नेता माधव नेपाललाई भेट्न अर्का नेता विष्णु पौडेल पुगेका छन् । नेता नेपाललाई भेट्न पौडेल नेपाल निवास कोटेश्वर पुगेका हुन् ।

दुई नेताबीच आज दिउँसो भेट वार्ता भएको हो । पार्टी अध्यक्ष केपी शर्मा ओलीका निकट मानिने पौडेल पार्टीभित्रको आन्तरिक विवाद समाधान गर्न दुई नेताबीच पहल भइरहेको छ ।

पार्टीमा आन्तरिक विवाद उत्कर्षमा पुगेसँगै नेता नेपाल समूहले प्रधानमन्त्री शेर बहादुर देउवालाई विश्वासको मत दिएसँगै ओली–नेपाल सम्बन्ध थप बिग्रिएको थियो । ओलीले देउवालाई मत दिने सबै सांसदहरूलाई माफी दिने बताइसकेका छन् ।