काठमाडौँ । सरकारले अर्थमन्त्रालयमा नयाँ सचिव ल्यायको छ । १२ साउनमा बसेको मन्त्रिपरिषद् बैठकले तीन जना सचिवको सरुवा गर्ने निर्णय गरेको थियो ।

सरकार परिवर्तन भएसँगै सचिवहरुको सरुवा गर्ने तयारी भइरहेका बेला अर्थमन्त्रालयमा सचिवको सरुवा गरिएको हो । अहिले सचिवबीच ठुला मन्त्रालयमा जानका लागि दौडधुप सुरु भएको छ । यसैबीच सरकारले अर्थ मन्त्रालयमा नयाँ सचिव ल्याएका छ ।

मन्त्रिपरिषद् बैठकले अर्थमन्त्रालयको सचिवमा मधुकुमार मरासिनीलाई ल्याएको छ भने शिशिर कुमार ढुङ्गानालाई प्रधानमन्त्री तथा मन्त्रिपरिषद्को कार्यालयमा सरुवा गरेको छ ।

स्वास्थ्य मन्त्रालयका सचिव लक्ष्मण अर्याललाई पनि प्रधानमन्त्री तथा मन्त्रिपरिषद्को कार्यालयमा ल्याइएको छ । तीन जना सचिवले आज सरुवाको पत्र बुझ्दैछन् ।

यससँगै अब गृह सचिवको सरुवा तयारी भइरहेको सिंहदरबार उच्च स्रोतले जानकारी दिएको छ । गृह र सञ्चार मन्त्रालयमा सचिवको सरुवा गरेर मात्र अन्य सचिवको सुरुवा गर्ने तयारी भइरहेका स्रोतले बताएको छ ।