काठमाडौं । प्रधामन्त्री शेरबहादुर देउवाले नेपाल सहकारी बैंक खोल्न इच्छुक रहेको जनाएका छन् ।

प्रधानमन्त्री एवं नेपाली कंग्रेसका सभापति देउवाले नेपाली कांग्रेसको वित्तीय तथा सहकारी संस्था समन्वय विभागसँगको भेटमा देशभरका सहकारीक्षेत्रको प्रतिनिधित्व हुनेगरी सहकारी बैक खोल्नु आवश्यक रहेको बताए । उनले नेपाल सहकारी बैंक खोल्ने विषयमा आफू सकारात्मक रहेको र तत्काल प्रकृया अघि बढाउन सम्बन्धीत निकायसंग परामर्श लिने आश्वासन दिएका छन् ।

भेटमा विभागका प्रमुख एवम् कांग्रेसका केन्द्रीय सदस्य आनन्दप्रसाद ढुंगानाले बैक खोल्न हालसम्म गरेको काम र प्रकृयाबारे प्रधानमन्त्री देउवालाई जानकारी गराएका थिए । विभागले भावी योजना र कार्यक्रमको बारेमा समेत प्रधानमन्त्री समक्ष राखेको ढुंगानाले बताए ।