काठमाडौँ । स्वास्थ्य तथा जनसंख्या मन्त्रालयले कोरोना भाइरस (कोभिड १९) खोप लगाएकाहरूको प्रमाणीकरण व्यवस्थित तरिकाले गर्न निर्देशन दिएको छ । गत शुक्रबार सचिव स्तरीय निर्णयानुसार वैदेशिक रोजगार, अध्ययन तथा उपचारका लागि विदेश जानु पर्ने नागरिकहरुको कोभिड खोपको प्रमाणीकरण व्यवस्थित गर्न निर्देशन दिएको हो ।

खोप प्रमाणीकरणका लागि देशभरका ५० शैय्याभन्दा माथिका सबै सरकारी अस्पतालले बढीमा दुई जना मेडिकल डाक्टर तोकेर निशुल्क प्रमाणीकरणको व्यवस्था गर्न निर्देशन दिएको हो ।

यस्तै आगामी भदौदेखि विदेश जाने नागरिकका लागि प्रमाणीकरण गरेर मात्रै खोप लगाउनु पर्ने जनाएको छ । एक विज्ञप्ति जारी गर्दै मन्त्रालयले आगामी दिनमा खोपका लागि खोप केन्द्रसहित आवश्यक व्यवस्था मिलाउन आग्रह गरेको छ ।