काठमाडौं । नेकपा माओवादी केन्द्रका चार पूर्व नेताहरुको रिटमाथि सुनुवाइ गर्न सर्वोच्च अदालतले पेसी तोकेको छ । मोओवादी केन्द्रले कारबाही गरेका चार नेताहरुले दायर गरेको रिटमाथि सोमबार सुनुवाई गर्न सर्वोच्चले पेसी तोकिएको छ ।

न्यायाधीश ईश्वरप्रसाद खतिवडाको इजलासमा पेसी तोकेको छ । नेकपा एमालेमा प्रवेश गरेको भन्दै माओवादी केन्द्रले नेताहरु लेखराज भट्ट, टोपबहादुर रायमाझी, गौरी शंकर चौधरी र प्रभु साहलाई पार्टी र सांसद पदबाट कारबाही गरेको थियो ।

चार नेताहरुले आफूहरु माओवादी केन्द्रको सदस्य नै रहेकाले सांसद पदमा पुनर्वाहाली गरिदिन माग गर्दै सर्वोच्च अदालतमा रिट दायर गरेका थिए । उक्त रिट निवेदनमाथि यसअघि दुई पटक पेसी तोकिए पनि सुनुवाई हुन सकेको थिएन । पहिलोपटक पेसी तोकिएको दिन उक्त रिट ‘हेर्न नभ्याइने’ सूचीमा राखिएको थियो ।

यस्तै दोस्रो पटकको पेसीमा रिट निवेदक पक्षका कानुन व्यवसायीको आग्रहमा सुनुवाई स्थगित गरिएको थियो । माओवादी केन्द्रको नेतामा दाबी गर्दै आएका नेताहरु एमालेको आइतबार बसेको स्थायी कमिटी बैठकमा सहभागी भएका थिए ।