काठमाडौँ । नेकपा माओवादी केन्द्रको विद्यार्थी भातृ संगठन अखिल (क्रान्तिकारी)ले नेपालस्थित भारतीय दूतावासमा प्रदर्शन गर्ने भएका छन् । तुइन चढेर महाकाली नदी पार गर्दै गर्दा भारतीय सीमा सुरक्षा बल (एसएसबी)ले तुइन हटाउँदा नेपाली युवा बेपत्ता भएको भन्दै संगठनले दूतावास घेराउ गर्ने भएको हो ।

गत शुक्रबार भारतीय सीमा हुँदै नेपाल प्रवेश गर्ने क्रममा दार्चुलाका जयसिंह धामी महामाली नदीमा बेपत्ता भएका हुन् । उनी तुइन चढेर नदी पार गरिरहँदा एसएसबीले तुइन हटाइदिएका थिए ।

सोही घटनालाई लिएर अखिल क्रान्तिकारीले सोमबार दिउँसो भारतीय दूतावासअगाडि प्रदर्शन गर्ने भएको हो । संगठनले घटनाको वास्तविक पत्ता लगाई लगाई छानबिन गरी दोषीलाई कारबाही गर्न माग गरेको छ ।