काठमाडौं । जनता सामाजवादी पार्टी (जसपा)को विवादबारे महन्थ ठाकुरले दायर गरेको रिटमाथि सुनुवाई गर्न सर्वोच्च अदालतले पेसी तोकेको छ । सोमबार सर्वोच्चले न्यायाधीश ईश्वरप्रसाद खतिवडाको इजलासमा पेसी तोकिएको छ ।

ठाकुरले निर्वाचन आयोगको निर्णयविरुद्ध सर्वोच्च अदालतमा रिट दायर गरेका थिए । उनले रिटमा आयोग र उपेन्द्र यादवलाई विपक्षी बनाएका छन् । रिटमा आयोगले यादव पक्षलाई दिएको जसपाको आधिकारिता बदर गर्न माग गरिएको छ ।

यसअघि जसपाको विवाद आयोगमा विचाराधीन रहेको अवस्थामा पनि ठाकुरले सर्वोच्च अदालतमा रिट निवेदन दिएका थिए । तर, सर्वोच्चले तयसमा अन्तरिम आदेश जारी गरिरहन नपर्ने ठहर गरेको थियो ।

ठाकुरले जसपा नेपालका कार्यकारिणी समितिका सदस्यहरुको सनाखत गर्ने प्रक्रियालाई रोक्न र निर्वाचन आयोगले जसपाको आधिकारिकता यादव पक्षलाई दिने गरेको निर्णयलाई बदर गर्न गरेको मागको सर्वोच्चले एकसाथ सुनुवाई गर्ने भएको छ ।