काठमाडौं । नेकपा एमालेको विद्रोही समुह माधव नेपाल समुहको स्थायी कमिटि बैठक शुरु भएको छ । काठमाडौंको वुद्दनगरस्थित क्वालिटी ब्याङकेटमा बैठक केही वेर अगाडीबाट शुरु भएको हो ।

वरिष्ट नेता नेपालले पार्टीभित्रको सस्थापन पक्षसँग अन्तरसंर्घष चर्काउदै लगेका छन् । त्यसक्रममा कांग्रेसका सभापति शेरवहादुर देउवालाई प्रधानमन्त्री बनाउन र आफ्नै पार्टी अध्यक्ष केपी ओली नेतृत्वको सरकार गिराउन समेत नेपाल समुहले यो वीचमा भूमिका निर्वाह गरेको छ ।

प्रधानमन्त्रीमा रहँदा ओलीले पटक पटक असम्वैधानिक काम गरेको र दुई तिहाईको सरकारलाई आफ्नै स्वेच्छाचारी र अहंमका कारण भताभुंग पार्ने काम गरेको भन्दै नेपाल समुहले संविधानको रक्षा र संसद पूर्ण कार्यकाल सञ्चालनका लागि काग्रेस सभापतिलाई प्रधानमन्त्री बनाउनु पर्ने वाटो सम्म जानु परेको वताउँदै आएको छ ।

नेपाल र ओलीका आ आफना तर्कका आधारमा आरोप प्रत्यारोप चुलिदा पार्टी एकता नै धरमराईरहेको वेला नेपाल समुहको आजको बैठकलाई अर्थपूर्ण रुपमा हेरिएको छ । सत्ता गठवन्धन निर्माणमा सहयोगी माधव नेपालले आइतबार मात्रै माओवादी केन्द्रका अध्यक्ष प्रचण्डलाई आफुहरु एमाले एकताको लागि प्रयास गरिरहेको र तत्काल सरकारमा जान नसक्ने संकेत गरेपछिको परिदृश्यमा नेपाल समुहको स्थायी कमिटिको बैठक वसेको हो ।

यो वैठकले सम्भवत संसद ५ वर्ष नै चल्न दिने पूर्ण प्रतिवद्धता र पार्टीभित्र समान हैसियतमा निर्णय प्रक्रियामा आफनो पक्षका नेताको पनि हस्ताक्षर चल्ने गरी वातावरण निर्माण गर्न सकिए र ओलीले त्यसमा सहमति जनाए एकताको ढोका खोलेर जाने निर्णय गर्न सक्ने वताईएको छ ।