काठमाडौं । नेपाली कांग्रेसका शिर्ष नेताहरुको बैठक सुरु भएको छ । पार्टी सभापति शेरबहादुर देउवा निवास बुढानीलकण्ठमा बुधबार दिउँसो साढे २ बजे शीर्ष नेताहरुको बैठक सुरु भएको छ । बैठकमा क्रियाशील सदस्यता विवादबारे छलफल विषयमा बैठक बसेको पार्टी मुख्य सचिव कृष्ण पौडेलले बताए ।
उक्त बैठकमा बैठकमा सभापति देउवा, वरिष्ठ नेता रामचन्द्र पौडेल र पूर्वमहामन्त्री कृष्णप्रसाद सिटौला, सहमहामन्त्री डा प्रकाशशरण महत, केन्द्रीय सदस्य डा. मिनेन्द्र रिजाल र रमेश लेखक सहभागी हुने भएका छन् ।

रमेश लेखकको संयोजकमा गठन भएको क्रियाशील सदस्यता छानविन समितिले सहमति गर्न नसकेको विवाद समाधान गर्न पार्टी पदाधिकारी बैठकले तीन जना शीर्ष नेतालाई जिम्मा दिएको थियो । क्रियाशील विवाद मिलाउँन शिर्ष नेताहरुले लिएको पाँच दिनको समय आज सकिएको छ ।

क्रियाशील सदस्यता छानविन समितिले गत १२ गते पार्टी सभापति देउवालाई सदस्यताको अन्तिम प्रतिवेदन बुझाइसकेको छ । प्रतिवेदन बारा, सप्तरी, धनुषा ४, सर्लाही २, रसुवा सिन्धुपाल्चोकलगायत केही जिल्लामा नयाँ र समायोजनबाट आएका क्रियाशील सदस्यता विवाद समितिले सुल्झाउन सकेको थिएन ।