काठमाडौं । संयुक्त अरब ईमिरेट्स (यूएई)ले बिहीबारदेखि नेपालबाट यूएइ आगमन खुल्ला गरेको छ । यूएईमा रहेको नेपाली राजदूतावासले सूचना जारी गर्दै बिहीबार अर्थात् अगस्ट ५ देखि नेपालबाट यूएई आगमन खुल्ला गरेको जानकारी गराएको छ ।

सूचनाअनुसार यूएईको आवासीय भिसा भएका र यूएईमा कोरोना भाइरस कोभिड-१९ विरुद्धका दुबै मात्र खोप लगाई त्यसको प्रमाणपत्र लिएका नेपालीलाई यूएई सरकारले प्रवेश खुल्ला गरेको छ । यस्तै यूएईको आवासीय भिसा भएका तर खोप नलगाएका यूएइ सरकारी कार्यालयमा कार्यरत नेपाली, यूएईमा कार्यरत स्वास्थ्यकर्मी, यूएईका विदालय तथा विश्वविद्यालयमा कार्यरत शिक्षक, यूएईमा उपचार चलिरहेका नेपाली नागरिक र विशेष मानवीय परिस्थिति भएका नेपाली नागरिकलाई यूएई प्रवेशमा छुट दिइएको छ ।

राजदूतावासको सूचनाअनुसार नेपालमा बसेका श्रमिकहरू यूएई प्रवेश गर्न सक्ने छैनन् । यस्तै नेपालमा दुई खोप लगाएका श्रमिकहरू समेत यूएई जान पाउने छैनन् । यूएई प्रवेश गर्न नेपाली नागरिकले federal authority for identity and citizenship (आईसिए) बाट अनुमति लिनुपर्छ।

यस्तै यात्रुको ४८ घण्टाभित्रको पिसिआर रिपोर्ट हुनुपर्ने, नेपाल विमानस्थलमा –यापिड टेष्ट गरेको हुनुपर्ने, यूएई अवतरण भईपछि विमानस्थलमा पिसिआर परिक्षण गरिने र आवश्यकता अनुसार क्वारेन्टीन लगायत अन्य स्वास्थ्यसम्बन्धी मापदण्ड पुरा गर्नुपर्ने छ ।