सिंगापुर । अमेरिका–इरानबीच युद्ध बिरामसँगै घटेको तेलको मुल्य दुई देशको वार्ता असफल भएसँगै फेरि व्यापक बढेको छ ।सोमबार तेलको मूल्य प्रति ब्यारेल १०० डलरभन्दा माथि उक्लिएको छ।

अमेरिकी नौसेनाले हर्मुज जलडमरूमध्यमा नाकाबन्दी गर्ने तयारी गरिरहँदा इरानको तेल आपूर्ति प्रभावित हुन सक्ने चिन्ता बढेको छ।

ब्रेन्ट क्रुड प्रति ब्यारेल १०२.८० पुगेको छ । जुन ७.९८ प्रतिशतले बढेको हो। शुक्रबार भने यो ०.७५% घटेको थियो।
अमेरिकी डब्लुटिआई तेल १०४.८८ प्रति ब्यारेल पुगेको छ, जुन ८.६१ प्रतिशतले वृद्धि भएको हो।

विश्वको सबैभन्दा महत्वपूर्ण तेल ढुवानी मार्गमध्ये एक हर्मुज जलडमरूमा सम्भावित अवरोधका कारण विश्व बजारमा तेल आपूर्ति घट्ने डरले मूल्यमा तीव्र वृद्धि सुरु भएको हो ।