काठमाडौँ । नेकपा एमालेले पार्टीका वरिष्ठ नेता माधव कुमार नेपाल पक्षको बैठक अवैधानिक भएको बताएको छ । बिहीबार नेता नेपालले आफूनिकट केन्द्रीय कमिटीको बैठक बोलाएका थिए ।

पार्टी कार्यालयका सचिव शेर बहादुर तामाङले एमालेको नाममा श्रावण २१ गते बैठक आयोजना गरिएको भन्ने सुनिएकाले यसप्रति गम्भीर ध्यानाकर्षण भएको बताए ।

उनले हस्ताक्षर गरिएको पत्रमा भनिएको छ, ‘पटक–पटक एमालेको नामबाट अनधिकृत गतिविधि गर्ने र सो गतिविधिमा सरिक हुने विषय संविधान, प्रचलित कानुन र पार्टी विधानविपरीत हुने भएकाले सो गतिविधिमा नलाग्न पार्टी कार्यकर्तामा अपिल गर्दछ ।’