काठमाडौँ । नेकपा एमालेका वरिष्ठ नेता माधव नेपाल पक्षको स्थायी कमिटीपछि केन्द्रीय कमिटी बैठक बस्ने भएको छ । पछिल्लो राजनीतिक अवस्थाबारे छलफल गर्न दुवै कमिटीको बैठक बस्ने भएको हो ।

स्थायी कमिटी बैठकपछि आजै केन्द्रीय कमिटी बैठक बस्ने नेता नेपाल पक्षका एक नेताले जानकारी दिए । प्रधानमन्त्री शेरबहादुर देउवालाई गत साउन ३ गते नेता नेपालसहित एमालेका २२ सांसदले विश्वासको मत दिएका थिए ।

नयाँ सरकार गठन गर्न महत्वपूर्ण भूमिका खेलेका नेपाल पक्ष देउवा नेतृत्वको सरकारमा जाने वा नजाने भन्ने निर्णयमा पुगेको छैन । यसबारे पनि आजको बैठकमा छलफल हुने जनाइएको छ ।

नेता नेपाल पक्षको बैठकलाई पार्टी कार्यालयका सचिव शेरबहादुर तामाङले विज्ञप्ति निकालेर नेता तथा कार्यकर्ता सहभागी नहुने आग्रह गरेका छन् ।