दार्चुला । दार्चुलाको महाकालीकाली नदीमा भएको घटनाबारे छानबिन गर्न भनेको टोली दर्चुलाको मालघाट पुगेको छ । महाकाली नदीमा भएको घटनाको सत्यतथ्य पत्ता लगाउन गृह मन्त्रालयले छानबिन टोली गठन गरेको थियो ।

उक्त छानबिन टोली शुक्रबार हेलिकप्टर चढेर घटनास्थल मालघाट पुगेको हो । टोलीले भारतपट्टि गएर घटनास्थलको स्थलगत निरीक्षण गर्दा नेपालतर्फ स्थानीयले विरोध प्रदर्शन गरेका थिए ।

साउन १५ गते व्यास गाउँपालिका–२ का जयसिंह धामी महाकाली नदीमा तुइन तर्दा भारतिय सिमा सुरक्ष बल एसएसबीले तुइन काटिदिएपछि नदीमा बेपेत्ता भएका थिए । तर, भारतिय पक्षले घटनामा एसएसबीको संलग्नता नरहेको दाबी गर्दै आएको छ ।

टोली सात दिनपछि घटनास्थल पुगेर घटनाबारे अध्ययन गरिरहेको छ । छानबिन टोलीलाई सत्यतथ्य पत्ता लगाएर १० दिनभित्र प्रतिवेदन बुझाउन समय दिइएको छ ।