काठमाडौँ । देशभर थप ३ हजार ७२९ जनामा कोरोना भाइरस (कोभिड–१९) संक्रमण पुष्टि भएको छ । पछिल्लो २४ घण्टामा उक्त संख्यामा कोरोना पुष्टि भएको हो ।

स्वास्थ्य तथा जनसंख्या मन्त्रालयका अनुसार सोही अवधिमा २५ जनाको मृत्यु भएको छ । योसँगै नेपालमा कोरोनाबाट मृत्यु हुनेको १० हजार संख्या पुगेको छ ।

नेपालमा पहिलोपटक ३ जेठ २०७७ मा सिन्धुपाल्चोक बाह्रबिसेकी २९ वर्षीया सुत्केरीले कोरोनाबाट ज्यान गुमाएकी थिइन ।

यस्तै, आज देशभर कोरोनाबाट निको हुनेको संख्या १ हजार ८८५ जना रहेका छन् ।