काठमाडौँ । स्वास्थ्य तथा जनसंख्या राज्यमन्त्री उमेश श्रेष्ठले सबै परीक्षा स्थगित गर्न सिफारिस गरेसँगै कक्षा १२ को परीक्षाबारे छलफल हुने भएको छ । कक्षा १२ को परीक्षाका लागि राष्ट्रिय परीक्षा बोर्डको बैठक बस्ने भएको हो ।

शुक्रबार स्वास्थ्य मन्त्रालयले कक्षा १२ सहितका सबै परीक्षा स्थगित गर्न सिफारिस गरेको थियो । मन्त्रालयले कोरोना संक्रमण पुनः बढ्न थालेको भन्दै शिक्षा मन्त्रालय र कोभिड–१९ संकट व्यवस्थापन केन्द्रलाई परीक्षा स्थगित गर्न सिफारिस गरेको हो ।

कक्षा १२ को परीक्षा आगामी ३१ गतेदेखि ९ दिनसम्म गर्ने हुने भएको थियो ।