रौतहट । नेकपा माओवादी केन्द्रको वडा सम्मेलन र भेलाहरु धमाधम हुन थालेको छ । माओवादीको स्थायी समितिले साउन ३० गतेको केन्द्रीय कमिटि बैठकमा सहभागी हुन आउनु अगाडी केन्द्रीय सदस्यहरुलाई आफनो कार्यक्षेत्र रहेका स्थानका वडा सम्मेलनको तथ्यांक विवरण सहित उपस्थित हुन निर्देशन गरेवमोजिम माओवादीको अहिले धमाधम वडा तहका सम्मेलन र भेलाहरु हुन थालेको हो ।

त्यही क्रममा रौतहट जिल्लाका चन्द्रपुर, देबाही, गोनाहीको सम्पूर्ण वडाको सम्पूर्ण वडा सम्मेलन सकिएको रौतहट जिल्ला इन्चार्ज युवराज भटटराईले जानकारी दिए ।

अन्य नगरपालिका र गाँउपालिकाको पनि वडा सम्मेलन धमाधम सम्पन्न हुन थालेको भटटराईले वताएका छन् । जिल्लाका करिव ६० प्रतिशत वडाको सम्मेलन सकिएको छ ।