काठमाडौँ । नेकपा एमालेले विधान संशोधन प्रस्ताव पारित गरेको छ । सोमबार बसेको स्थायी कमिटी बैठकले उक्त प्रस्ताव पारित गरेको हो ।

बैठकपछि सञ्चारकर्मीसँग बोल्दै पार्टी उपाध्यक्ष वामदेव गौतमले विधान संशोधन प्रस्ताव केन्द्रीय कमिटी बैठकमा लैजाने जानकारी दिए । पार्टीले यसअघिको स्थायी समिति बैठकले आगामी भदौ २७ र २८ गतेका लागि विधान महाधिवेशन बोलाउने निर्णय गरिसकेको छ ।

स्थायी समितिमा अध्यक्ष केपी शर्मा ओलीको राजनीति प्रतिवेदन र महासचिव ईश्वर पोखरेलले सांगठनिक प्रस्ताव पेश भएको थियो । आजै तुलसीलाल स्मृति प्रतिष्ठानमा एमालेको केन्द्रीय कमिटी बैठक बस्ने भएको छ ।