काठमाडौँ । प्रमुख प्रतिपक्षी दल नेकपा एमालेका अध्यक्ष केपी शर्मा ओलीले आफ्नो पार्टीका केही नेताहरू मन्त्री बन्न दौडधुपमा लागेको बताएका छन् । मंगलबार बसेको प्रतिनिधिसभा बैठकलाई सम्बोधनमा एमालेका वरिष्ठ नेता माधव नेपाल पक्षलाई लक्षित गर्दै उनले यस्तो बताएका हुन् ।

‘प्रधानमन्त्री ज्यू, मेरै पार्टीका साथीहरू तपाईको पछाडि हिँडेका छन्, मन्त्री बन्न भनेर,’ अध्यक्ष ओलीले भने, ‘उहाँहरू मन्त्री बन्न हिरिक–हिरिक गर्दै छन्, प्लिज मन्त्री बनाइदिनु, यति त गरिसक्नु भयो, बरू म घाटा सहुँला ।’

शेर बहादुर देउवाले गत साउन ३ गते प्रधानमन्त्रीका लागि विश्वासको मत लिँदा नेता नेपाल पक्षका सांसदहरूले मत दिएका थिए ।