काठमाडौँ । लुम्बिनी प्रदेशका मुख्य न्यायाधीवक्ता ठाकुरप्रसाद डिसीले राजीनामा दिएका छन् । प्रदेशका मुख्यमन्त्री शंकर पोखरेलको राजीनामा स्वीकृत भएसँगै न्यायाधीवक्ता डिसीले राजीनामा दिएका हुन् ।

उनले मुख्यमन्त्रीमार्फत् प्रदेश प्रमुख अमिक शेरचनलाई राजीनामा बुझाएका हुन् । प्रदेश प्रमुख कार्यालयका प्रवक्ता चिरञ्जीवी पौडेलले विज्ञप्ति जारी गर्दै मुख्य न्यायाधीवक्ता डिसीले राजीनामा दिएको जानकारी दिए ।

उनले नेपालको संविधान धारा १६० को उपधारा ४ को खण्ड (क) बमोजिम राजीनामा दिएका हुन् ।