काठमाडौं । कांग्रेस सभापति शेरबहादुर देउवा निकट जिल्ला सभापतिहरुले अहिले महाधिवेशन गर्न नसकिने निष्कर्ष निकालेका छन् । ललितपुरको समीट होटलमा बसेको सभापतिहरुको भेलाले ६ बुँदे सुझाव दिएको छन् । ओखलढुंगाका जिल्ला सभापति प्रदीपकुमार सुनुवारले अहिले यो अवस्थामा महाधिवेशन गर्न नसकिने प्रमुख निष्कर्ष रहेको जानकारी दिए ।

उनका अनुसार भेलाले कोरोना अवधिलाई आधार मानेर महाधिवेशनको अर्को मिति तय गर्न सुझाव दिएको छ । उनले अहिले केहीबेरपछि भेलाले तयार पारेको निष्कर्ष सभापति देउवालाई तयारी रहेको समेत जानकारी दिए ।