काठमाडौँ । नेपाली कांग्रेसका पूर्वमन्त्री मोहम्बद आफ्ताव आलमले दिएको निवेदनमाथि आज सर्वोच्च अदालतमा सुनुवाई हुने भएको छ । आफू थुनाबाट छुट्न पाउनु पर्ने भन्दै आलमले दिएको निवेदनमाथि शुक्रबार सर्वोच्च अदालतमा सुनुवाई हुने भएको हो ।

सर्वोच्चका न्यायाधीशहरू प्रकाशमानसिंह राउन र कुमार चुडालको इजलासमा आलमले दिएको निवेदन पहिलो प्राथमिकतामा छ । निर्वाचनको समयमा बम विस्फोट हुँदा घाइते भएका करिब दुई दर्जन व्यक्तिलाई जिउँदै जलाएको आरोप लागेसँगै आलम थुनामा छन् ।

कांग्रेस सरकारमा आएसँगै आलमको मुद्दा पेशीमा चढ्नुलाई अर्थपूर्ण रुपमा हेरिएको छ ।

गत महिना देउवा प्रधानमन्त्री भएसँगै विशेष अदालतमा हाजिर भएका विजयकुमार गच्छदार धरौटीमा छुटेका थिए । उनीमाथि प्रधानमन्त्री निवास बालुवाटारको जग्गा हिनामिना गरेको आरोप लागेको थियो ।