काठमाडौं । प्रेस काउन्सिल नेपालले मिल्दाजुल्दा अनलाइन मिडिया(न्युजपोर्टल) दर्ता नगर्ने भएको छ । शुक्रबार सूचना जारी गदै काउन्सिलले मिल्दाजुल्दा नाममा अनलाइन दर्ता गर्न आउन थालेको भन्दै यस्ता अनलाइनलाई दर्ता नगर्ने बताएको छ ।

काउन्सिलका सूचना अधिकारी रामशरण बोहराले सूचना जारी गर्दै पहिला नै सञ्चालित अनलाइन मिडियाबाट पटकपटक उजुरी र गुनासो आउने गरेकाले अबदेखि मिल्दाजुल्दा अनलाइनलाई दर्ता नगर्ने उल्लेख गरिएको छ ।

सूचनामा भनिएको छ, ‘यस सम्बन्धमा मिति २०७८/४/१८ गते बसेको आचारसहिंता अनुगमन उपसमितिको दर्ता भई सञ्चालन भइसकेका चर्चित मिडियालाई आधार बनाई अगाडि वा पछाडि कुनै अंक वा अक्षर जोडी डोमेन दर्ता/मिडिया दर्ता गराइ मिल्दोजुल्दो मास्टहेड, लोगो र मिल्दोजुल्दो नाम लिएर सूचिकरण हुनआउने त्यस्ता न्युपोर्टललाई सूचिकरण नगर्ने निर्णय गरेका सबैलाई जानकारी गराइन्छ ।’

काउन्सिलले दर्ता भई सूचिकरण गर्न आउने अनलाइनहरुले प्रायः मिल्दाजुल्दा नाम र दर्ता भइ सञ्चालित नाम चलेकका अनलाइन लगाएत मिडियालाई आधार बनाई अगाडि वा पछाडि कुनै अक्षर वा अंक जोडी डोमिन, मिडिया दर्ता गराइ सूचिकरणका लागि आवेदन दिने प्रवृत्ति बढेको बताएको छ । अनलाइन मिडिया सूचना भिवागमा दर्ता भएर काउन्सिलमा सूचिकरण गर्ने गरिन्छ ।