काठमाडौँ । सरकारले सबै जिल्लाका प्रमुख जिल्ला अधिकारी (सिडिओ)हरूलाई कोरोना भाइरस (कोभिड–१९) संक्रमितबाट बच्न थप तयारी गर्न निर्देशन दिएको छ । गृह मन्त्रालयले कोरोना उपचारका लागि आइसोलेसन सेन्टर, अस्पताल र मेडिकल कलेज सूचीकृत गरी काम अगाडि बढाउन निर्देशन दिएको हो ।

मन्त्रालयले शुक्रबार एक सूचना जारी गर्दै कोरोनाको तेस्रो लहर आउन सक्ने भन्दै पूर्व तयारी गर्न सिडिओहरूलाई निर्देशन दिएको हो । यसअघिको अवस्थामा सञ्चालन भएका अस्पतालहरू हाल स्थगन गरिएको हुँदा सम्भावित जोखिमलाई मध्यनजर गर्दै हाल अस्पताललाई सूचीकृत गर्नु पर्ने आवश्यक देखिएको मन्त्रालयले जनाएको छ ।

यस्तै, सूचीकृत अस्पतालमा रहेका संक्रमितको तथ्यांक तथा विवरण दैनिक रुपमा अद्यावधिक गर्न मन्त्रालयले निर्देशन दिएको छ ।