काठमाडौँ । पाल्पामा स्याललाई हानेको गोली आफ्नै छोरालाई लाग्दा मृत्यु भएको छ । स्याल मार्न चलाएको बन्दुकको गोली छोरालाई लाग्दा मृत्यु भएको हो ।

रैनादेवी छहरा गाउँपालिका ६ जुठापौवाका ५६ वर्षीय कर्णबहादुर लम्तरीले हानेको गोली लागेर ३५ वर्षीय छोरा धनबहादुरको मृत्यु भएको हो । कर्णबहादुरले शुक्रबार बेलुकी भरुवा भन्दुकले मकै बारीमा आएको स्याल भनेर गोली हान्दा मकै बारीमै बसेका धनबहादुरलाई लागेको जिल्ला प्रहरी कार्यालय पाल्पाले जनाएको छ ।

गोली चलाउने कर्णबहादुरलाई बन्दुकसहित प्रहरीले नियन्त्रणमा लिइसकेको छ । घटनाबारे थप अनुसन्धान भइरहेका प्रहरीले जनाएको छ ।