काठमाडौँ । कोरोना भाइरस (कोभिड–१९) महामारीका कारण देखाएर क्रियाशील सदस्यको वैधानिक अधिकार कटौती भएको छ । पालिकाभित्रका क्रियाशील सदस्यबाट गाउँ र नगर कार्यसमिति चयन विधानमा उल्लेख छ ।

कांग्रेसको शनिबार बसेको केन्द्रीय समिति बैठकले विधानले दिएको अधिकार खोसेको छ । उक्त अधिकारअनुसार क्रियाशील सदस्यले सभापतिबाहेकका पदमा कार्य समितिको उमेदवार बन्न पाउने थिए । तर, उनीहरूले आफैँले आफैँलाई वा कार्यसमितिका अरूलाई भने भोट हाल्न पाउने छैनन् ।

केन्द्रीय डिला संग्रौलाका अनुसार कोरोना महामारीलाई मध्यनर गरेर गाउँ, महानगर र नगरमा कार्यसमिति चुनावमा क्षेत्रीय प्रतिनिधि र वडा सभापतिले मात्र भोट हाल्न पाउने छन् ।

‘गाउँ वा नगर कार्यसमितिको सभापतिबाहेक उपसभापति र सचिवसहितका अन्य पदमा भने क्रियाशील सदस्यले उमेदवारी दिन भने पाउने छन्,’ उनले भनिन् ।

अहिले महामारीलाई हेरेर गाउँ र नगरपालिकामा कार्यसिमिति चयनका लागि क्षेत्रीय प्रतिनिधिहरुले मात्र भोट हाल्न पाउने व्यवस्था गरिएको बताइन् । उनले भनिन्, ‘अहिलेका लागि मात्र कोरोना महामारीको जोखिम कम गर्न क्षेत्रीय प्रतिनिधिले मात्र भोट हाल्ने व्यवस्था मिलाइएको छ ।’

यसअघि गाउँ र नगरपालिका सभापति क्रियाशील सदस्यले चुन्ने गरेका थिए । अब क्षेत्रीय प्रतिनिधि वडाबाट जितेर आउने नै सभापति हुने छन् । पदाधिकारीमा उमेद्वारी दिन क्रियाशीलाबाट पाउने तर मतदान चाहिँ क्षेत्रीय प्रतिनिधिबाट हुने उनले बताइन् ।