काठमाडौँ । सत्ता साझेदारी दल नेपका माओवादी केन्द्रका अध्यक्ष पुष्पकमल दाहाल ‘प्रचण्ड’ अफगानिस्तानमा भएका नेपालीहरूलाई तत्काल उद्धार गर्न सरकारसँग माग गरेका छन् । उनले अफगानिस्तानमा तालिवानले सत्ता कब्जा गरेसँगै त्यहाँ रहेका नेपालीहरूको उद्धार माग गरेका हुन् ।

‘हाल दक्षिण एशियाली मुलुक अफगानिस्तानमा विकसित पछिल्लो राजनीतिक घटना क्रमप्रति म र हाम्रो पार्टीको गम्भीर ध्यानाकर्षण भएको छ,’ प्रचण्डले भने, ‘यस आपात कालीन अवस्थामा सर्वाधिक महत्वको कुरा त्यहाँ रहेका नेपालीहरुको सुरक्षा र उद्धार हो, परिस्थितिलाई मध्यनजर गर्दै सरकारले अविलम्ब प्रभावकारी कदम चालोस् ।’

यस्तै, उनले यसका लागि आफ्नो व्यक्तिगत एवं पार्टीको तर्फबाट आवश्यक सम्पूर्ण पहल र सहयोग हुने समेत बताएका छन् ।