काठमाडौं । अफगानिस्तानको काबुलस्थित विमनस्थलमा अमेरिकी सेनाले गोली चलाएको छ । अन्तर्राष्ट्रिय समाचार एजेन्सी एएफपीका अनुसार सोमबार विमानस्थलमा मुलुक छाड्नेको ठूलो भीड देखिएको अवस्थामा अमेरिकी सेनाले गोली चलाएको हो ।

#Kabul: Another video emerges from this morning outside Kabul airport. Gunfire can be heard too. https://t.co/elTB2mlpQ1

— Ahmer Khan (@ahmermkhan) August 16, 2021

तालिवानले देश कब्जा गरेलगत्तै अफगानिस्तानबाट बाहिरिनेहरुको लर्को लागेको छ । अफगानिस्तानको राजधानी काबुलस्थित विमानस्थलमा देश छोड्नेको लर्को लागेको हो । हमिद कारजाई विमानस्थलमा जहाज चढ्नेको ताँती लागेको छ । सामाजिक सञ्जालमा सार्वजनिक भएका भिडिओहरूमा मानिसहरू रनवेमा लगेज गुडाउँदै जहाज चढ्न गइरहेको देखिन्छ ।

कुनै सिस्टमबिनै जसले सक्छ उही जहाजभित्र चढेको देखिन्छ । धावनमार्गमा मानिसहरू बसपार्कमा गाडी चढ्न गएजसरी हिँडिरहेका देखिन्छन् ।

Kabul airport. #Afghanistan
Five videos that show the fear and desperation of the Afghan people. 1/5 pic.twitter.com/P2kHW67A4N

— Palki Sharma (@palkisu) August 16, 2021

भिड अनियन्त्रित भएपछि सोमबार बिहान विमानस्थल नियन्त्रणमा लिएको अमेरिकी सेनाले हवाई फायर गरेको हो ।

समाचार संस्था एएफपीका अनुसार आफ्ना राजदूत, कर्मचारी, नागरिक र अन्य विदेशीलाई काबुलबाट बाहिर जान सघाउने उद्देश्यले अमेरिकी सेनाले विमानस्थल नियन्त्रणमा लिएको हो । विमानस्थलमा अनियन्त्रित भिड भएपछि सोमबार बिहान केही राउन्ड हवाई फायर गरिएको एएफपीले जनाएको छ।