काठमाडौं । ललितपुरमा पञ्चदान पर्व मनाइएको छ । सोमबार बौद्ध संस्कृतिअनुसार यो पर्व प्रत्येक वर्ष मनाइदै आएको छ । यो पर्वको दिन चामल, गहुँ, नुन, पैसा, दाल जीवनको लागि दान गर्ने गरिन्छ । मानिसको क्षमताअनुसार अन्य चिजहरु पनि दान गर्ने गर्दछ ।

यो पर्वलाई काठमाडौं, ललितपुर, भक्तपुर, पनौती र बनेपाका बौद्धहरु, शाक्य र बज्राचार्यहरुले मनाउने गरेका छन् । यस दिनमा दीपंकर बुद्धका प्रतिमाहरूभित्र मान्छे बसेर नगर परिक्रमा गरेर मनाइन्छ ।

साथै वज्राचार्य र शाक्यहरूलाई नगद, अन्न, गेडागुडी, फलफूल आदि दान गर्दछन् । वज्राचार्य र शाक्यले पञ्चदानबाट प्राप्त दान सामग्री विभिन्न धार्मिक संघसंस्थालाई हस्तान्तरण गर्दै आएका छन् ।