भक्तपुर । भक्तपुरका दुईजना पत्रकार सम्मानित भएका छन् ।

स्वतन्त्र पत्रकार संघ भक्तपुरले आज आयोजना गरेको सम्मान कार्यक्रममा पत्रकार डा। इन्दुल केसी र कृष्ण प्रजापति सम्मानित भएका हुन् ।

डा केसी २०१५ सालदेखि तत्कालीन नेपाल संवाद समिति हालको राष्ट्रिय समाचार समितिमा आबद्ध भई पत्रकारिता सुरु गरेका हुन् । यस्तै प्रजापति दुई दशकभन्दा बढी समयदेखि पत्रकारिता क्षेत्रमै क्रियाशील रहेका छन् । स्वतन्त्र पत्रकार संघ केन्द्रीय समितिका वरिष्ठ उपाध्यक्ष केवी सम्राटले उनीहरुलाई सम्मानपत्रद्वारा सम्मान गरेको हो ।

संघको आगामी राष्ट्रिय अधिवेशन भदौ १८ र १९ गते हुने बताइएको छ ।