काठमाडौँ । द्वन्द्व ग्रस्त मुलुक अफगानस्तिानबाट विभिन्न समयमा २८२ जना नेपाली काठमाडौँ आइपुगेका छन् । जसमा आज बिहान १०ः१५ बजे ११८ जना र यसअघि १६४ जना काठमाडौँ आइपुगेका थिए ।

पछिल्लो लटमा आएका ११८ जनालाई अफगानिस्तानबाट हिजो अमेरिकी एअर फोर्सको जहाजले उद्धार गरेको थियो । उनीहरू आज जागिरा एयरको जेएन ९५४१ विमानबाट काठमाडौँ आइपुगेको गृहमन्त्री बालकृष्ण खाँणका निजी सचिव नरेन्द्र केसीले जानकारी दिए ।

केसीका अनुसार गृहमन्त्री खाँणले अप्ठेरोमा परेका सबै नेपालीलाई ल्याउन कुनै कसर बाँकी नराखिने भन्दै त्यसका लागि आवश्यक पहल गर्न सम्बन्धित सबै निकायमा निर्देशन दिइसकेका छन् ।

(यसअघिको समाचारमा त्रुटी भएकाले सच्चाइएको छ ।)