काठमाडौं । लामखुट्टेको टोकाइबाट कोभिड–१९ भाइरस सर्दैन। स्वास्थ्य तथा जनसंख्या मन्त्रालयका अनुसार कोभिड९१९ श्वासप्रश्वास सम्बन्धी भाइरस हो।

यो भाइरस संक्रमित व्यक्तिले खोक्दा वा हाच्छयुँ गर्दा निस्कने थुक वा सिँगानका स साना छिटाको माध्यमबाट एक व्यक्तिबाट अर्को सर्ने जनाएको छ ।
तर हालसम्म लामखुट्टेको टोकाइले (कोभिड) १९ भाइरस सर्न सक्ने कुनै पनि प्रमाण भेटिएको छैन।

यसबाट बच्नका लागि नाक, मुख र चिउँडो छोपिने गरी मास्क लगाउनुपर्छ। कुनै सतह छोएपछि स्यानिटाइजरले हात निसंक्रमण गर्ने वा साबुनपानीले धुने र एक अर्कासँग भौतिक दूरी कायम गर्नुपर्छ।