काठमाडौँ । जनता समाजवादी पार्टी (जसपा) नेपालको केन्द्रीय कार्य समितिको दोश्रो दिनको बैठक सुरु भएको छ । काठमाडौँको कालिका स्थानस्थित अमृतभोग पार्टी प्यालेसका सोमबारदेखि आह्वान गरिएको बैठक आज सम्पन्न हुने छ ।

निर्वाचन आयोगबाट आधिकारिकता पाएपछि आव्हान गरिएको प्रथम बैठकमा ८० प्रतिशतभन्दा बढ़ी केन्द्रीय सदस्यहरू सहभागी बैठकले सरकारमा सहभागिताबारे निर्णय गर्ने छ ।

आजको बैठकमा पार्टी संगठन सुदृढीकरण तथा जनजागरण अभियान र अभिमुखीकरण सम्बन्धी कार्यक्रमहरुको परिचालन, समन्वय, अनुगमन, मूल्यांकन, निरीक्षण, अवलोकन, अभिलेखीकरण र सरकारमा सम्मानजनक सहभागिता बारे निर्णय हुने छ ।