काठमाडौँ । राष्ट्रपति विद्यादेवी भण्डारीले राजनीतिक दल विभाजनसम्बन्धी अध्यादेश प्रमाणिकरण गरेकी छन् । मंगलबरा बसेको बसेको मन्त्रिपरिषद् बैठकले उक्त अध्यादेश जारी गरी राष्ट्रपतिसमक्ष सिफारिस गर्ने निर्णय गरेको थियो ।

दल विभाजनसम्बन्धी ऐन संशोधन गरी ल्याइएको अध्यादेशमा पार्टी केन्द्रीय समिति वा संसदीय दलमध्ये एउटामा २० प्रतिशत मत पुगे दल विभाजन गर्न सकिने व्यवस्था रहेको छ ।

संविधानको धारा ११४ को उपधारा १ बमोजिम सरकारको सिफारिसमा राष्ट्रपति भण्डारीले अध्यादेश प्रमाणिकरण गरेको राष्ट्रपति कार्यालयले जनाएको छ ।

नेपाली कांग्रेसका सभापति शेर बहादुर देउवाले नेतृत्वले ल्याएको यस अध्यादेशप्रति चौतर्फी विरोध हुँदै आएको छ ।