काठमाडौँ । नेकपा एमालेका वरिष्ठ नेता माधव नेपाल पक्षले नयाँ पार्टीको नाम र चुनाव चिह्नबारे टुंगो लगाएको छ । नेपाल पक्षको आजै पार्टी दर्ता गर्ने तयारी गरिरहेको उनी पक्षका एक नेताले जानकारी दिए ।

उनका अनुसार पार्टीको नाम नेकपा एमाले (समाजवादी) र चुनाव चिह्न खुला किताब हुने छ । दल विभाजनसम्बन्धि अध्यादेश आएसँगै नेपाल पक्षलाई नयाँ पार्टी दर्ता गर्न सहज हुने भएको हो ।

सरकारले मंगलबार मात्रै अध्यादेश सिफारिस गरी राष्ट्रपति कार्यालयमा पठाएको थियो । सिफारिस पुगेसँगै राष्ट्रपति विद्यादेवी भण्डारीले बुधबार अध्यादेशको सिफारिस प्रमाणीकरण गरेकी हुन् ।