काठमाडौं । उन्नत लोकतान्त्रिक पार्टीले माधव कुमार नेपालविरुद्ध सर्वोच्च अदालत जाने बताएको छ । बुधबार निर्वाचन आयोगमा माधव नेपालले एमाले समाजवादी पार्टी दर्ता गरेका छन् ।

उनले आफ्नो पार्टीको चुनाव चिन्ह खुला किताब निर्वाचन आयोगलाई मागेका छन् । आयोगले नेपाललाई चुनाव चिन्ह खुला किताब दिएमा त्यसविरुद्ध उन्नत लोकतान्त्रिक पार्टीले सर्वोच्च अदालत जाने बताएको हो । उन्नत लोकतान्त्रिक पार्टीको चुनाव चिन्ह छड्के परेको किताब रहेको छ ।

उन्नत लोकतान्त्रिक पार्टीका केन्द्रय सदस्य बोधराज न्यौपाने निर्वाचन आयोग गएर आयोगको ध्यानाकर्षण गराएका छन् । आयोगले ध्यानाकर्षण नमानेर सो निर्वाचन चिन्ह एमाले समाजवादीलाई दिए सर्वोच्च अदालत जाने उनले बताए ।