काठमाडौं । भारतीय जेलमा २२ वर्ष बसेर बिहीबार नेपालका लालबहादुर राना छुटेका छन् । ७१ वर्षीय राना हत्यासम्बन्धी कसूरमा हिमाञ्चल प्रदेशको मोडल सेन्ट्रल जेलमा थिए ।

तर उनको परिवारसँग १० बर्षदेखी सम्पर्क भएको छैन । परिवारसँग सम्पर्क नहुँदा उनी अलपत्र रहेको बताइएको छ । उनले आफनो घर सगरमाथाको कटुन्जे गैरीगाउँ बताए पनि जिल्ला थाहा नहुँदा घर पठाउन समस्या भइरहेको बताइउको छ ।

उनलाई घर पठाउन नेपाल प्रहरीसँग सम्पर्क भइरहेको जनाइएको छ । उनले आफ्नो एक छोरा र छोरी रहेको बताएका छन् । उनको मुद्दामा न्यायिक लडाइँका लागि खोलुखुम्बुकी सामाजिक कार्यकर्ता पूजा फुयाल लगायतको टीमले सहजिकरण गरेको बताइएको छ ।