सिन्धुपाल्चोक । मेलम्ची नगरपालिकाले ज्येष्ठ नागरिकलाई सम्मानस्वरुप सहयोग गरेको छ । बाढी प्रभावित भई ‘क’ वर्गमा परेका घरका ज्येष्ठ सदस्यलाई सम्मान गरिएको नगरपालिकाका उपप्रमुख भगवती नेपालले जानकारी दिइन् ।

नगरभित्रका प्रभावित १३० ज्येष्ठ नागरिकलाई कम्बल, टर्च लाइट र अन्य पोषिलो खानेकुरा सहयोग गरिएको नगरस्तरीय ज्येष्ठ नागरिक सञ्जालका अध्यक्ष एकादत्त धितालले जानकारी दिए ।

उपप्रमुख नेपालले बाढीबाट प्रभावितमध्ये पनि ज्येष्ठ नागरिकलाई बढी समस्या हुने गरेकाले केही राहतस्वरुप सहयोग गरिएको बताइन् । बिहीबारबाट सुरु भएको सहयोग कार्यक्रम आइतबारसम्म चल्ने छ ।