काठमाडौँ । नेपाली कांग्रेसका सभापति शेरबहादुर देउवा प्रधानमन्त्री भएयता ४८ लाखभन्दा बढीले कोरोनो भाइरस (कोभिड–१९)विरुद्धको खोप लगाएका छन् । देउवा प्रधानमन्त्री भएसँगै आफ्नो पहिलो प्राथमिकतामा जनतालाई कोरोनाविरुद्धको खोप दिने बताएका थिए ।

देउवा प्रधानमन्त्री भएयता गत बिहीबारसम्म ४८ लाख ११ हजार ७३३ जनाले कोरोनाविरुद्धको खोप लगाएको प्रधानमन्त्रीको सचिवालयले जनाएको छ । यसअघि झण्डै ३६ लाख नागरिकले कोरानाविरुद्धको खोप लगाएका थिए । यससँगै कोरोनाविरुद्धको खोप लगाउने कूल संख्या ८५ लाख २० हजार ४२१ पुगेको छ ।

कोरोनाविरुद्धको दुवै खोप लगाउनेको संख्या ३७ लाख ८ हजार ६८८ पुगेको छ । यस्तै ३७ लाख ८ हजार ६८८ जनाले पहिलो डोज मात्रामा खोप लगाएका छन् ।

सरकारले आगामी असोज मसान्तसम्म ३३ प्रतिशत जनतालाई कोरोनाविरुद्ध खोप लगाउने घोषणा गरेको छ । चैत मसान्तसम्म सबै जनतालाई खोप दिई सक्ने प्रधानमन्त्री देउवाको तयारी छ ।