बुटवल । लुम्बिनी प्रदेशसभा सचिवालयले नेकपा एमालेले कारबाही गरेका सांसदलाई पदमुक्त गर्न नमिल्ने बताएको छ । एमालेले पार्टीको ह्वीप उल्लंघन गरेको भन्दै सांसद अजय शाही र विमलाकुमारी खत्री वलीलाई पदमुक्त गर्न सभामुखसमक्ष पत्र दिएको थियो ।

तर पदमुक्त गर्न मिल्ने आधार नदेखिएकाले उनीहारुलाई कारबाही नगरेको संसद सचिवालयले जानकारी दिएको छ । एमालेले प्रदेश सभा नियमावली २०७४ को नियम १८८ अनुसार उनीहरुलाई कारबाही गरेको थियो ।

तर, प्रदेश सभा सचिवालयले कारबाहीमा उनीहरुको नाम समावेश गरेपनि व्यक्तिगत विवरणमा एमालेको नाम उल्लेख नभएकाले पदमुक्त गर्न नमिलेको जनाएको छ ।