काठमाडौं । पूर्व प्रधानमन्त्री तथा नेकपा एकीकृत समाजवादीका अध्यक्ष माधव नेपालले एमाले छोडेर नयाँ पार्टी दर्ता गर्दा साथ नदिएका उनकै पक्षका प्रभावशाली नेताहरुले अझै पनि एमाले एकताको सम्भावना खोजी गरिरहेका छन् ।

एमालेको उपाध्यक्ष रहेका भीम रावल, अष्टलक्ष्मी शाक्य, युवराज ज्ञवाली, उपमहासचिव घनश्याम भुषाल, सचिवत्रय गोकर्ण विष्ट र योगेश भट्टराई तथा स्थायी समिति सदस्य सुरेन्द्र पाण्डे र रघुजी पन्त लगायतका नेताहरुले एमालेभित्र अझै पनि एकता नेताहरुले चाहने हो भने सम्भव रहेको बताउँदै आएका छन् ।

प्रभावशाली नेताहरुले शुरुमा वैठक बसेर माधव नेपाललगायतका १४ सांसदमाथी ओली पक्षले गरेको कारवाही फिर्ता लिनुपर्ने, माधव नेपालले पनि निर्वाचन आयोगमा नयाँ दल दर्ताको प्रक्रियावाट पछि हट्नु पर्ने र दुवै पक्ष सम्मिलित कार्यदलले बनाएको १० बुँदे सहमतिको अक्षरस: पालना गर्ने हो भने अझै पनि एमाले एकता सम्भव रहेको नेपाललाई नयाँ पार्टी गठनमा साथ नदिई वसेका तेस्रो धारका यी नेताहरुको अपिल छ ।

उनीहरुले त्यसको भोलिपल्टै अर्थात शुक्रवार राजधानीको एक पार्टी प्यालेसमा सांसद र केन्द्रीय समितिमा रहेका ५७ जना नेताहरुसँग पनि थप छलफल गरे । त्यसपछि १० बुँदे सहमति अक्षरस: पालना गर्न खासगरी एमाले अध्यक्ष केपी ओलीसँग अपिल गरेका छन् ।

‘५ दिनभित्र १० बुँदे सहमतिको अक्षरस पालना गर्न हामीले एक प्रकारले भन्ने हो भने अध्यक्ष ओलीलाई अल्टिमेटम नै दिएका छौं,’ नेपाल समुह छोडेका र तेस्रो धार बनाउँदै हिडेका नेतामध्येका एक नेताले मेरोन्यूजसँग भने,–‘ओलीले त्यसमा सहमति जनाएनन र १० बुँदे सहमति कार्यान्वयन गरेनन भने एमालेभित्रको विद्रोहले पहिरो जाने अवस्था निम्ताउन सक्छ ।’

यो समुहका नेताहरुले १० बुँदे सहमतिको अक्षरस पालना गर्नुपर्ने भन्नुको अर्थ २०७५ जेठ २ अगाडीको एमालेको संरचना गाँउ देखि केन्द्रसम्म के कस्तो अवस्थामा थियो, त्यहीवाट एमालेलाई जगाउनु पर्ने भन्ने हो । ‘जेठ २ गते हाम्रो केन्द्रीय कमिटीमा को-को थिए, पोलिटब्यूरोमा को-को थिए, स्थायी कमिटीमा को-को थिए र तिनको जिम्मेवारी के-के थिए ? त्यो सबै हुनुपर्यो । त्यो भन्दा तलका प्रदेश, जिल्ला, गाउँ, वडा कमिटी, जनसंगठन जहाँ-जहाँ जे-जे थिए, त्यहीबाट सुरु गर्नुपर्छ भन्ने स्पिरिट हो १० बुँदेको,’ नेपाल समुह पनि छोडेर एकताका लागि लागिपरेका उपमहासचिव घनश्याम भुषाल भन्छन्,–‘पार्टीको सम्पूर्ण संरचना जेठ २ गते अनुसार नै हुनुपर्ने र फागुन २३ गते पछाडीका सम्पूर्ण निर्णयहरु, समानान्त्र कमिटि खारेज देखि सवै निर्णय खारेज हुने भन्ने कुरा हो । त्यसवाट शुरु हुनुपर्छ ।’

यसभित्र यो धारको कुरा भनेको २ जेठ २०७५ को एमालेको माइन्यूट हेर्ने र त्यस अनुसारकै पार्टीै वैठकहरु ब्सेर एमालेलाई सुरु गरौं भन्ने प्रष्ट लाइन हो । ‘पहिले जेठ २ मा रहेका नेताहरुको स्थायी कमिटि बैठक बसौं, त्यसपछि माओवादी छोडेर आएका नेताहरु, यति गरिसकेपछि २ जेठको केन्द्रीय कमिटी, जहाँ ३ गते थप भएकाहरु पनि राखेर बैठक बोलाऔं र थप गर्नुपर्ने केही नेताहरु भए उनीहरुलाई पनि थपौं र १० बुँदे लागू गर्ने प्रस्ताव पारित गरौं । ल आउनुस्, बसौं र यसरी काम गरौं भन्ने हो,’ तेस्रो धारका अर्का एक नेताले भने ।

तेस्रो धारको यो प्रस्तावलाई ओली पक्षले भने खास स्वीकारेको देखिदैन । सामुहिक रुपमा नेताहरुको माग अव सम्वोधन नहुने भन्दै ओली पक्षले तेस्रो धारको यी मागका सवालमा प्रष्ट ४ वुँदे सन्देश दिईसकेको ओली पक्षका एक् स्थायी कमिटि सदस्यले भने । ओली पक्षका अर्का स्थायी कमिटि सदस्य विष्णु रिमालले भने,–‘माधव नेपालको कारबाही फिर्ता गर्नुपर्छ भनेर केही साथीहरु ऋझै पनि भनिरहनुभएको छ, त्यो भनेको के हो ? उहाँँले एमाले फुटाएर हिडिसक्नुभयो , निर्वाचन आयोगले सनाखतको लागि भनेर बोलाईपनि सक्यो । अनि अझै कारवाही फिर्ता गर्नुपर्ने भन्नुको अर्थ के ? के उहाँहरुलाई हामीले पूजा गर्दै हिँड्नु पर्ने हो र ? कारवाही फिर्ताको कुरा अव असम्भव कुरा हो ।’

ओली समुहका नेताहरुका अनुसार, तेस्रो धारका नेताहरुलाई ओलीको ४ वुँदे प्रष्ट सन्देश यसप्रकारको छ :-

– १० बुँदे सहमति स्थायी र केन्द्रीय कमिटीबाट पारित भई कार्यान्वयनमा गइसकेको छ। अब फेरि के गर्नुपर्ने ?
– पार्टीको केन्द्रीय कमिटिको चौधौं बैठकलाई हामीले दशौंमा झारेको होइन र ?

– माधव नेपालको अव कारवाही फिर्ता हुँदैन । त्यस्तो माग असम्भव ।

– माधव नेपालका लागि १० वुँदे गरेको उनी नै हिडेपछि अरुले पार्टी बैठकमै आएर आफ्ना कुरा राख्ने हो, अव अन्यत्र कराउँदै हिड्ने होइन ।