काठमाडौँ । नेपाल विद्युत प्राधिकरणको कार्यकारी निर्देशक (सिइओ)मा नियुक्त भएका कुलमान घिसिङविरुद्ध सर्वोच्चमा परेको रिट उपर आज सुनुवाई हुने भएको छ । उनीविरुद्ध परेको रिटमाथि प्रधानन्यायाधीश चोलेन्द्र शमशेर आफैले सुनुवाई गर्ने गरी पेशी तोकेका छन् ।

सिइओको पदमा ‘थमौती गरिपाँउ’ भन्दै हितेन्द्रदेव शाक्यले सर्वोच्चमा रिट निवेदन पेश गरेका थिए । उनले गत साउन ३२ मा सर्वोच्च अदालतमा रिट दायर गरेका थिए ।

रिटमा शाक्यले पदाधिकारीबाट आफूलाई हटाएको आधिकारिक पत्र नपाएको र सरकारले आफूलाई हटाउँदा ‘संविधानसम्मत अधिकार हनन भएको’ दाबी गरेका छन् । उनले मन्त्रिपरिषद्को कार्यालय र प्राधिकरणमा नवनियुक्त कार्यकारी निर्देशक घिसिङलगायतलाई विपक्षी बनाएका थिए ।