काठमाडौं । विधान र मापदण्डविपरीत वितरण गरिएका क्रियाशील सदस्यहरू खारेजीको माग गरेर नेपाली कांग्रेसको केन्द्रीय कार्यालय सानेपामा जारी ४५ दिनदेखि रहेका जिल्ला सभापतिहरुले धर्ना कार्यक्रम स्थगन गरेका छन् ।

६ बुँदे माग राख्दै ४५ दिनअघि सुरु गरिएको धर्ना क्रियाशील विवाद समितिले ५० प्रतिशत माग सम्बोधन गरेकाले स्थगन गरिएको नेपाल विद्यार्थी संघका पूर्वसहमहामन्त्री राजेश रौनीयारले जानकारी दिए ।

मापदण्डविपरीत वडा कार्यसमितिको निर्णयबिना जिल्ला कार्यसमितिले क्रियाशील सदस्यता बाँडेको भन्दै बारा र रौतहटका असन्तुष्ट नेता तथा कार्यकर्ताहरू धर्नामा बसेका थिए ।

जिल्ला सभापति कृष्णप्रसाद यादवले यादवले १८ वटा वडामा भने वडा सभापतिहरूको निर्णयविपरीत आफूनिकटको नाम थप गरी प्रत्येक वडामा कम्तीमा १५ जनाको नाम हटाएको झाको आरोप छ ।
“महासमिति सदस्य, जिल्ला कोषाध्यक्षलगायत अन्य ७८ जना प्रभावशाली नेताहरूको क्रियाशील नवीकरण भएकै छैन,” उनले भने ।
४१ वटा वडा रहेको निर्वाचन क्षेत्र नम्बर–१ का ३१ वडामा विवाद रहेको भन्दै रिले अनशन जारी छ ।